劉家日常早餐
地點：西貢茶餐廳
侍應：「先生食乜嘢？」
劉太：「老公。你叫份早餐，分小小俾兩個女食。」
劉生：「我要沙嗲牛出前一丁。」
劉太：「兩個女唔食得公仔麵，轉米粉啦。」
劉生：「幫我轉沙嗲牛米。唔該。」
劉太：「沙嗲辣喎，不如要雪菜肉絲。」
劉生：「咁幫我落個雪菜肉絲米粉。」
侍應：「ok!飲品呢？」
劉生：「凍咖啡。」
劉太：「佢哋唔飲得咖啡，叫阿華田。」
劉生：「咁轉凍華田。」
劉太：「佢哋有兩聲咳，唔好飲凍嘢。」
劉生：「熱華田吖。」
侍應：「太太咁你食乜嘢呀？」
劉太：「我要沙嗲牛肉出前一丁加熟蛋，凍咖啡。唔該哂！」
劉生：「............」